आपले स्वागत आहे!

Archive for जून 28, 2012

करुणाष्टके

मनाचे श्लोक व करुणाष्टके
करुणाष्टके
१ : अनुदिन अनुतापें तापलों
अनुदिन अनुतापें तापलों रामराया ! | परम दिनदयाळा !
निरसीं मोहमाया || अचपळ मन माझें नावरे आवरीतां |
तुजविण शिण होतों धांव रें धांव आता || १ || भजनरहित रामा सर्वही
जन्म गेला | स्वजनजनधनाचा व्यर्थ म्यां स्वार्थ केला || रघुपति !
मति माझी आपुलीशी करावी | सकळ त्यजुनि भावें कांस तुझी धरावी || २ ||
विषयजनित सूखें सौख्य होणार नाहीं | तुजविण रघुनाथा वोखटें सर्व कांहीं |
रविकुळटिळका रे हीत माझें करावें | दुरित दुरि हरावें सस्वरुपीं भरावें || ३ ||
तनु – मन – धन माझें राघवा ! रूप तुझें | तुजविण मज वाटे सर्व संसार वोझें |
प्रचलित न करावी सर्वथा बुद्धि माझी | अचळ भजनलीला लागली आस तुझी || ४ ||
चपळपण मनाचें मोडितां मोडवेना | सकळ – स्वजनमाया तोडितां तोडवेना |
घडिघडि बिघडे हा निश्र्चयो अंतरींचा | म्हणउनि करुणा हे बोलतों दीन वाचा || ५ ||

%d bloggers like this: