आपले स्वागत आहे!

Archive for जुलै 14, 2012

मनाचे श्लोक


|| श्रीहरि ||
मनाचे श्लोक ( मराठी )
श्रीसमर्थ रामदासस्वामीविरचित
मना रे जनीं मौन्यमुद्रा धरावी |
कथा आदरें राघवाची करावी |
नसे राम तें धाम सोडून द्दावें |
सुखालागि आरण्य सेवीत जावें || ४४ ||
जयाचेनि संगे समाधान भंगे |
अहंता अकस्मात येऊनि लागे |
तये संगतीची जनीं कोण गोडी |
जये संगतीनें मती राम सोडी || ४५ ||
मना जे घडी राघवांवीण गेली |
जनीं आपुली ते तुवां हानि केली |
रघूनायेकावीण तो सीण आहे |
जनीं दक्ष लक्ष लाऊनि पाहे || ४६ ||
मनीं लोचनीं श्रीहरी तो चि पाहे |
जनीं जाणता भक्त होऊनि राहे |
गुणीं प्रिती राखे क्रमू साधनाचा |
जगीं धन्य तो दास सर्वोत्तमाचा || ४७ ||
सदा देवकाजीं झिजे देह ज्याचा |
सदा रामनामें वदे नित्य वाचा |
स्वधर्में चि चाले सदा उत्तमाचा |
जगीं धन्य तो दास सर्वोत्तमाचा || ४८ ||
सदा बोलन्यासारिखें चालताहे |
अनेकीं सदा येक देवासि पाहे |
सगुणिं भजे लेश नाहीं भ्रामाचा |
जगीं धन्य तो दास सर्वोत्तमाचा || ४९ ||
नसे अंतरीं कामकारी विकारी |
उदासीन जो तापसी ब्रह्मच्यारी |
निवाला मनीं लेश नाहीं तमाचा |
जगीं धन्य तो दास सर्वोत्तमाचा || ५० ||
मदें मछरें सांडिला स्वार्थबुधी |
प्रपंचीक नाहीं जयातें उपाधी |
सदा बोलणें नम्र वाचा सुवाचा |
जगीं धन्य तो दास सर्वोत्तमाचा || ५१ ||

मनाचे श्लोक

         ॐ
|| श्री हरि ||
मनाचे श्लोक ( मराठी )
श्रीसमर्थ रामदासस्वामीविरचित
सदा सर्वदा देव सन्नीध आहे |
कृपाळूपणें अल्प धारिष्ट पाहे |
सुखानंद आनंद कैवल्यदानी |
नुपेक्षी कदा राम दासाभिमानी || ३६ ||
सदा चक्रवाकासि मार्तंड जैसा |
उडी घालितो संकटीं स्वामि तैसा
हरीभक्तिचा घाव गाजे निशाणीं |
नुपेक्षी कदा राम दासाभिमानी || ३७ ||
मना प्रार्थना तुजला एक आहे |
रघूराज थकीत होऊनि पाहे |
अवज्ञा कदा हो येदथीं न कीजे |
मना सज्जना राघवीं वस्ति कीजे || ३८ ||
जया वर्णिता वेद शास्त्रें पुराणें |
जयाचेनि योगें समाधान बाणें |
तायालागि हें सर्व चांचल्य दीजे |
मना सज्जना राघवीं वस्ति कीजे || ३९ ||
मना पाविजे सर्वही सूख जेथें |
अती आदरे ठेविजे लक्ष तेथें |
विवेकें कुडी कल्पना पालटीजे |
मना सज्जना राघवीं वस्ति कीजे || ४० ||
बहू हिंडतां सौख्य होणार नाहीं |
सिणावें परी नातुडे हीत कांहीं |
विचारें बरें अंतरा बोधवीजे |
मना सज्जना राघवीं वस्ति कीजे || ४१ ||
बहुतांपरी हें चि आतां धरावें |
रघूनायका आपुलेंसें करावें |
दिनानाथ हें तोडरीं ब्रीद गाजे |
मना सज्जना राघवीं वस्ति कीजे || ४२ ||
मना सज्जना येक जीवीं धरावी |
जनी आपुलें हीत तूंवां करावी |
राघुनायेकावीण बोलों नको हो |
सदा मानसीं तो निजध्यास राहो || ४३ ||

मनाचे श्लोक

                ॐ
|| श्रीहरि ||
मनाचे श्लोक ( मराठी )
श्रीसमर्थ रामदासस्वामीविरचित
दिनानाथ हा राम कोंदडधारी |
पुढें देखतां काळ पोटीं थरारी |
जना वाक्य नेमस्त हें सत्य मानी |
नुपेक्षी कदा रामादासाभिमानी || २८ ||
पदीं राघवाचें सदा ब्रीद गाजे |
बळें भक्तरीपूशिरीं कांबि वाजे |
पुरी वाइली सर्व जेणें विमानीं |
नुपेक्षी कदा राम दासाभिमानी || २९ ||
समर्थाचिया सेवका वक्र पाहे |
असा सर्व भूमंडळीं कोण आहे |
जयाची लिळा वर्णिती लोक तिन्ही |
नुपेक्षी कदा राम दासाभिमानी || ३० || महां संकटीं सोडिले देवा जेणें |
प्रतापें बळें आगळा सर्व गूणें |
जयातें स्मरे शैलजा शूळपाणी |
नुपेक्षी कदा राम दासाभिमानी || ३१ ||
अहिल्या शिळा राघवें मुक्त केली |
पदीं लागतां दिव्य होउनि गेली |
जया वर्णितां सिणली वेदवाणी |
नुपेक्षी कदा राम दासाभिमानी || ३२ ||
वसे मेरुमांदार हे सृष्टिलीळा |
शशी सूर्य तारांगणें मेघमाळा |
चिरंजीव केले जनीं दास दोन्ही |
नुपेक्षी कदा राम दासाभिमानी || ३३ ||
उपेक्षा कदा रामरूपी असेना |
जिवां मानवां निश्र्चये तो वसेना |
शिरीं भार वाहे न बोले पुराणीं |
नुपेक्षी कदा राम दासाभिमानी || ३४ ||
असे हो जया अंतरी भाव जैसा |
वसे हो तया अंतरीं देव तैसा |
अनन्यास रक्षीतसे चापपाणी |
नुपेक्षी कदा राम दासाभिमानी || ३५ ||

%d bloggers like this: