आपले स्वागत आहे!

मनाचे श्लोक


|| श्रीहरि: ||
श्रीसमर्थ रामदासस्वामीविरचित
मनाचे श्लोक ( मराठी )
जगीं पाहतां साच तें काय आहे |
अती आदरें सत्य शोधूनि पाहें
पुढें पाहतां पाहतां देव जोडे |
भ्रमें भ्रांति अज्ञान हें सर्व मोडे || १४४ ||
सदा विषयो चितिंतां जीव जाला |
अहंभाव अज्ञान जन्मासि आला |
विवेकें सदा स्वस्वरूपीं भरावें |
जिवा ऊगमीं जन्म नाहीं स्वभावें || १४५ ||
दिसे लोचनीं तें नसे कल्पकोडी |
अकस्मात आकारलें काम मोडी |
पुढें सर्व जाईल कांहीं न राहे |
मना संत आनंत शोधूनि पाहें || १४६ ||
फुटेना तुटेना चळेना ढळेना |
सदा संचलें मीपणें तें कळेना |
तया एकरूपासि दूजें न साहे |
मना संत आनंत शोधूनि पाहें || १४७ || निराकार आधार ब्रह्मादिकांचा |
जया सांगता सीणली वेदवाचा |
विवेकें तदाकार होऊनि राहें |
मना संत आनंत शोधूनि पाहें || १४८ ||
जगीं पाहतां चर्मचक्षीं न लक्षे |
जगीं पाहतां ज्ञानचक्षीं न रक्षे |
जगीं पाहतां पाहणें जात आहे |
मना संत आनंत शोधूनि पाहें || १४९ ||
नसे पीत श्र्वेत ना शाम कांहीं |
नसे वेक्त आवेक्त ना नीळ नाहीं |
म्हणे दास विश्र्वासतां मुक्ति लाहे |
मना संत आनंत शोधूनि पाहें || १५० ||
खरें शोधितां शोधितां शोधताहे |
मना बोधितां बोधितां बोधताहे |
परी सर्व ही सज्जनाचेनि योगें |
बरा निश्र्चयो पाविजे सानुरागें || १५१ ||

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google photo

You are commenting using your Google account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s

%d bloggers like this: