आपले स्वागत आहे!

मनाचे श्लोक

       



|| श्रीहरि: ||
श्रीसमर्थ रामदासस्वामीविरचित

मनाचे श्लोक ( मराठी )
नव्हें तें चि जालें नसे तें चि आलें |
कळों लागलें सज्जनाचेनि बोलें |
अनुर्वाच्य तें वाच्य वाचे वदावें |
मना संत आनंत शोधीत जावें || १८४ ||
लपावें अती आदरें रामरूपीं |
भयातीत निश्र्चीत ये सस्वरूपीं |
कदा तो जनीं पाहतां ही दिसेना |
सदा ऐक्य तो भिन्न भावें वसेना || १८५ ||
सदा सर्वदा राम सन्नीध आहे |
मना सज्जना सत्य शोधून पाहें |
अखंडीत बेटी रघूराज योगु |
मना सांडि रे मीपणाचा वियोगु || १८६ ||
भुतें पिंड ब्रह्मांड हें ऐक्य आहे |
परी सर्व ही सस्वरूपीं न साहे |
मना भासलें सर्व कांहीं पहावें |
परी संग सोडूनि सूखी रहावें || १८७ ||
देहेभान हें ज्ञानशस्त्रें ख्रुडावें |
विदेहीपणें भक्तिमागें चि जावें |
विरक्तीबळें निंद्द सर्वै तजावें |
परी संग सोडूनि सूखें रहावें || १८८ ||
मही निर्मिली देव तो वोळखावा |
जया पाहतां मोक्ष तत्काळ जीवा |
तया निर्गुणालागि गूणीं पहावें |
परी संग सोडूनि सूखें रहावें || १८९ ||
नव्हे कार्यकर्ता नव्हे सृष्टिभर्ता |
परेहूनि पर्ता न लिंपे विवर्ता |
तया निर्विकल्पासि कल्पीत जावें |
परी संग सोडूनि सूखें रहावें || १९० ||
देहेबुधिचा निश्र्चयो ज्या टळेना |
तया ज्ञान कल्पांतकाळीं कळेना |
परब्रह्म तें मीपणें आकळेना |
मनीं शून्य अज्ञान हें मावळेना || १९१ ||

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google photo

You are commenting using your Google account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s

%d bloggers like this: