ॐ
स्वस्ति श्रीशालिवाहन शक १९३४ नंदननाम संवत्सर
दक्षिणायन शरदऋतु आश्र्विन शुक्लपक्ष नक्षत्र श्रवण
९ नवमी आहे. महानवमी, देवीला बलिदान ,
नवरात्रोत्थापन व पारणा, मंगळवार आहे.
नवरात्र नवरात्रि आहे.
तसेच तारिख दिनांक २३ अक्टोबर (१०) २०१२ साल आहे
मंगळवार आहे,नवरात्र नवरात्रि आहे.नैवेद्द काकडी आहे.
ॐ
श्रीयंत्र
श्रीयंत्र निर्मितीची पौराणिक कथा
श्रीयंत्र
ची संदर्भात पुराणात एक कथा
आढळते ती अशी – एकदा लक्ष्मी रुसून पृथ्वीवरून वैकुंठात
निघून गेली. तिच्या अनुपस्थितीमुळे सर्व व्यवहार ठप्प झाल्यामुळे
ब्राह्मण, क्षत्रिय, वैश्य व शुद्र सर्वच चिंतातूर झाले. तेव्हा वसिष्ठांनी
प्रतिज्ञा केली, ” मी लक्ष्मीला प्रसन्न करून पुन्हा पृथ्वीतलावर आणीन .”
त्याप्रमाणे वसिष्ठ वैकुंठात जाऊन लक्ष्मीपुढे दत्त म्हणून उभे राहिले.
त्यांनी लक्ष्मीला पृथ्वीवर येण्याची वारंवार विनंती व आर्जवं केली ; पण ती
आपल्याच तोऱ्यात होती. ती आणखी फुरंगटून बसली तेव्हा वसिष्ठांनी
भगवान विष्णूंना साकडे घातले. त्यासाठी घोर तपश्र्चर्या आरंभिली.
यथावकाश ते प्रसन्न झाले तेव्हा वसिष्ठ त्यांना म्हणाले, ” हे भगवान्
लक्ष्मीच्या अनुपस्थितिमुळे पृथ्वीवर हाहाकार माजला आहे. सर्व व्यवहार
थंडावले आहेत. उत्साह मावळला आहे आणि सर्वत्र नैराश्य भरून राहिले आहे..
भगवान विष्णूं नी वसिष्ठांना धीर दिला आणि ते त्यांना
घेऊन तडक लक्ष्मी च्या महालात गेले. तिची समजूत घालण्याचा
विष्णूं नी आटोकाट प्रयत्न केला; पण पृथ्वीवर जाण्यास तिने स्पष्ट
शब्दात नकार देऊन दोघांची बोळवण केली. अपयश पदरी घेऊन वसिष्ठ
विमनस्क अवस्थेत पृथ्वीवर परतले आणि मोठ्या आशेने त्याच्याभोवती गोळा
झालेल्या समस्त पृथ्वीवासी यांना त्यांनी लक्ष्मी चा निर्णय ऐकवला तेव्हा सर्वजण
हताश व निराश झाले.
शेवटी सर्वजण गाऱ्हाणे घेऊन ब्रहस्पतीं कडे गेले. खूप विचार करून बृहस्पतीं नी
श्रीयंत्र निर्मितीचा उपाय सुचविला. तो सर्वां ना च पाटला. मग ब्रहस्पतीं च्या मार्गदर्शनाखाली
शेकडो कारागिरांनी एका अतिभव्य श्रीयंत्र याची निर्मिती यथावकाश पूर्ण केली.
दोनच दिवसांनी धनत्रयोदशी ला त्याची विधिवत् षोडशोपचार पूजा करून
मंत्रघोषात प्राणप्रतिष्ठा करण्यात आली आणि काय आश्र्चर्य साक्षात लक्ष्मी
सुहास्यवदनाने पृथ्वीवर अवतीर्ण झाली व म्हनाली, ” या श्रीयंत्र याची
प्रतिष्ठापनेमुळे मला येथे यावेच लागले. कारण तेच माझे निवासस्थान
असून त्यात माझा आत्मा वास करतो.”
ॐ
श्रीयंत्र
एकदा वैकुंठात भगवान विष्णू लक्ष्मीला म्हणाले,
” लक्ष्मी, तू फार चंचल आहेस. दीर्घकाळ तू एके ठिकाणी
राहात नाहीस, हे काही मला योग्य वाटत नाही. “
त्यावर लक्ष्मी ताडकन् म्हणाली, ” प्राणनाथ,
माझा स्वभाव चंचल आहे खरा; परंतु मला दीर्घकाळ एकाच
ठिकाणी वास्तव्य करण्यास नि: संशय आनंद होतो आणि मानूनच
मी कोठे वास्तव्य करते, ते लक्षपूर्वक ऐका, जेथे अतिथी अभ्यागतांची
दान, मान इत्यादी रूपाने सेवा केली जाते तसेच अनाथ अंध पंगू,
गरिबांना प्रेमाने पोटभर जेवू घातले जाते आणि सज्जनांची व
ब्राह्मण यांची आदरपूर्वक सेवा केली जाते, इतकेच नव्हे तर
देव, देवता व पितरांची पूजा, भक्ती व श्राध्द योग्य रीतीने केले जाते,
प्रामाणिकपणे द्रव्यसंचय करून सन्मार्गाने त्याचा विनियोग केला जातो.
शांती, दया, दाक्षिण्य इत्यादी गुण जेथे असतात,
ज्या घरात सर्वत्र आनंद असतो, कलह, तंटा व निष्टूर
भाषा आहे तिथे जिथे थारा नसतो व स्त्रीवर्ग ही गृहकृत्यदक्ष
असतो अशा सद् गृहस्थांचे घरी सदैव वास्तव्य करण्यास मी
उत्सुक असते.”
वसुधालय 