आपले स्वागत आहे!

Archive for जानेवारी 11, 2016

श्रीनृसिंहसरस्वती स्वामी

सप्रेम स्वामी                ॐ

आज दि. 11 जानेवारी 2016 – पौष शुक्ल द्वितिया.श्री दत्तमहराजांचे द्वितिय अवतार श्रीनृसिंह सरस्वती स्वामी महाराजांची जयंती.

अनंत कोटी ब्रम्हांडांच्या स्तिथी ,उत्पत्ती व लयाचे कारण असणार्या परमतत्वाची जयंती तरी कशी साजरी करायची ? दत्त महराज भक्तांच्या प्रेमाखातर ,अधर्मनाशासाठी भुतलावर अवतीर्ण झाले ( अंदाजे इ.स. 1378 मध्ये). भक्तप्रतिपालक श्री दत्त महारांवरील आपले प्रेम,भक्ती वृधिंगत व्हावे,त्यांच्या उपदेशाचा क्षणभरही विसर पडू नये यासाठी जयंतीची पर्वणी नक्कीच महत्वाची आहे.

श्री क्षेत्र करंजा येथे श्री माधवशास्त्री व अंबाभवानी या धर्मप्रवण दाम्पत्याच्या पोटी श्रींचा जन्म जाहला .ते जन्मापासून मुंजीपर्यंत मौनव्रतात होते. मौंजीबंधनानंतर चारी वेद उच्चारून त्यांनी आपल्या भावी कार्याची प्रचिती सर्वांना दिली. काशी क्षेत्रात कृष्णसरस्वती महाराजांचे कडून सन्यास दीक्षा घेवून महाराजांनी “धर्मसंस्थापनेच्या” कार्यास आरंभ केला.

औदुंबर ,नृसिंहवाडी ,गाणगापूर येथे महराजांचे वास्तव्य प्रामुख्याने राहिले .श्रीगुरुचरित्र या ओवीबद्ध ग्रंथात त्यांच्या लीला वर्णिल्या असून हा ग्रंथ दत्तभक्तांचा ‘वेद’ मानला जातो. त्यांच्यामुळे महाराष्ट्रात दत्त संप्रदायाचा मोठा प्रसार झाला. महाराजांचे भक्त आजही त्यांच्या असीम कृपेचा अनुभव घेतात .

श्रींच्या चरणी प्रतिष्ठानचे कोटी कोटी प्रणाम .

भक्तवत्सल , भक्ताभिमानी, राजाधिराज ,योगिराज, कृष्णा -पंचगंगा संगमनिवासी , सद्गुरु श्रीमन्नृसिन्ह सरस्वती स्वामी महाराजकी जय !

मी नर्सोबा वाडी , औदुंबर गाणगापूर तिन हि श्रीक्षेत्र पाहिली आहेत नमस्कार

ॐ श्रीक्षेत्र माहूर येथील पण दत्त मंदिर दर्शन झाले आहे . नमस्कार

अव्हाकाडो डेझर्ट

                                            ॐ

अव्हाकाडो डेझर्ट

%d bloggers like this: